2012/10/31

Peñen aurkako UPNren txantai politika salatu du Bildu Iruñeak

UPNren Udal Gobernuak Iruñeko Peñei, eta bereziki Jarana, San Fermin eta Muthiko Alaiak peñei, Prozesioan eta Pobre de mi-n parte hartzen dutela justifikatzeko eskatu die dirulaguntzak jaso ahal izateko.


"Onartezina" iruditzen zaio Bilduri UPNk Iruñeko elkarte eta kolektiboen kontra darabilen " txantai politika". "UPN dirulaguntzak emateko baldintza eta irizpide berriak edozein momentutan asmatu eta improbisatzeko gai da ere; non eta dirulaguntzak jasotzeko oinarriak dagoeneko sobera mugatuak diren testuinguru honetan. Gainera, peñek salatu moduan, Udalak oraindik ez die ordaindu dagokien dirulaguntzen zati bat", salatu du Bilduk.
"UPNk bere perfil ustelena erakutsi digu", adierazi dute. Hiritarrek eta elkarteek Iruñeko arlo kulturalean parte hartzea "bultzatu beharrean adierazpen kultural oro mugatu" egiten duela salatu dute Bildukoek.
Bildu Iruñea-ren ustez, Udalak elkartegintza eta parte hartzea "bultzatu beharko luke, horretarako dirulaguntza politika sendo batek lagunduta, eta noski, irizpide erlijiosorik gabea edo Udalaren ekimenetan parte hartzeko beharrik gabe".
 

No hay comentarios:

Publicar un comentario en la entrada