#Grebaorokorra: Suhiltzaileek elkartasuna eta duintasunaren eredua

Gutxiengo zerbitzuak direla eta, greba egiteko arazoak dituztenez, beraien soldataren zati bat eman dute Paris 365 jantoki sozialari eta Langabetuen Asanbladari
Elkarrizketa Info7 Irratian

"Nafarroako Larrialdietako Agentziako langile askok hurrengo irailaren 26an

greba eginen genuke baina ezin dugu egin ezarritako gutxiengo zerbitzuak egun

arrunt batekoak baitira". Horixe bera gaur goizean Diputazioaren aurrean

egindako mobilizazio batean LAB, EL-ESK eta SBN suhiltzaileen sindikatuek

egindako salaketa. 10.000 euro lortu dute biltzea, "egun horretan jasoko duten

soldata" hain zuzen ere, "jasaten ari garen egoera ekonomikoak bereziki

hunkitutako erakunde edo kolektiboren bati" emateko.

Batzarrean sortutako erabaki honekin hainbat lankidek eta sindikatuk bat egin

dute. Gaur goizean Diputazio Jauregi aurrean ekitaldi bat egin dute. Bertan

suhiltzaileak, SOS Nafarroako operadoreak eta zerbitzuaren beste lankideak

bildu dira. Ekitaldian jaso den dirua Nafarroako langabetuen Asanbladari eta

Paris 365 elkartasun jantokiari eman diete.

10.000 elkartasun keinuak

150 langileak bildu egin dira eta ilara batean, banan bana bere dirua sartu

dute kutxa batean. Bi pankarta erakutsi dituzte, murrizketen kontrakoa eta

greban aldekoa bestea. Dirua jaso ondoren, Nafarroako langabetuen Asanbladari

eta Paris 365 elkartasun jantokiaren arduradunei eman diete.

Gaur ez da bukatuko iniziatiba, zeren langile askok ezin izan dute ekitaldi

horretara joan, eta hurrengo egunetan dirua biltzen jarraituko da.

Ekitaldi honetan langileak hurrengo 26aren greban parte hartzeko deialdia

zabaldu dute.